Thủ tướng Phạm Minh Chính hôn bơnê khul jang đei hơvơn đơ̆ng lơ tơring kơ teh đak vang iung jang, adoi nhen tơdrong vang iung jang đơ̆ng khul jang kơtă ‘noh Đoàn hơdruh tơdăm hlôi tơgŭm djru ăn khul jang ming man; rim hơnih iŏk jang ưh khan lăp iŏk yua dôm kmăi kmŏk, gre ‘lơ̆ng gơh hơgei mă lei oei đei lơ trong tơchăr kih thuơ̆t, chơ pơdŭ tơmam drăm ming man…Thủ tướng Teh đak athei khul jang păng kon pơlei hơnơ̆ng iung jang hơdoi, tơgum djru dih băl iung jang kơtang, adoi pơgơ̆r iung jang hơmet pơ ‘lơ̆ng cham char; hơpơi ‘meh vă Đoàn viên, hơdruh tơdăm tơring hơnơ̆ng jang ‘lơ̆ng jơhngơ̆m đon tơgoăt tơgoăl, ‘mêm kơ eng teh đak, kơrŭn đĭ ai vang iung jang, adoi nhen rim tơdrong jang, tơdrong vă jang teh đak anai, kơ yuơ đei iŏk yoa ăn teh đak păng pơlei pơla; hơdrin jang keh đang chă pơlăp jrăng lơ̆m năr 27/6 kơnh.