Hăm hơnăn "Kiơ̆ yok rok jơ̆ng hơnăp jang pơm jŭk yŭk trong hơlau kơ hơdruh tơdăm lơ̆m bơ̆ jang ‘măng tơplih kơsô̆ teh đak”, ‘măng pơma dơnuh kơtă đơ̆ng Thủ tướng Phạm Minh Chính hăm hơdruh tơdăm gô đei pơgơ̆r lơ̆m năr 25/3 tăp dăr trong bơ̆ jang, trong tơgum djru đơ̆ng Teh đak găh bơ̆ jang ‘măng tơplih kơsô̆ teh đak. Tơdrong pơgơ̆r au jei pơma truh rim tơdrong pơkăp, trong tơgŭm, khul jang kơ Teh đak lơ̆m tơdrong tơgŭm djru, kiơ̆ yok rok jơ̆ng hơnăp jang, sơnong jang kơ hơdruh tơdăm lơ̆m jang kiơ̆ rim trong tơlĕch jang kơ Tơdrong jang tơplih kơsô̆ teh đak, pôk bơnê tơdrong vang iung jang, plang ăn đơ̆ng hơdruh tơdăm lơ̆m atŏk tơ iung mŭk drăm-tơpôl, tơ iung pơjing păng vei lăng teh đak. Adoi, mơ̆ng dôm nơ̆r chă apĭnh, tơlĕch ăn đơ̆ng hơdruh tơdăm păng pơchoh trong xek tơlang.