Tơ̆ jơ pơma đam, 2 ƀok kơdră drơ̆ng nơ̆r gah tơdrong jang jê̆ 75 sơnăm tơbôl jang hadoi juăt jue tơguăt, 2 teh đak kăl jang hadoi kơjăp hloh dơ̆ng lơ̆m rim tơdrong jang, vă hơtŏk kơtang jang hadoi juăt jue kơ 2 teh đak tŏk minh hơyak ‘nao lơ̆m khei năr truh. Gah jang hadoi mŭk drăm – tĕch pơdro – asong jang, 2 Thủ tướng sơkơ̆t âu jing tơdrong tơm kăp gĭt lơ̆m tơbôl 2 pah; drơ̆ng nơ̆r hơtŏk pran jang mŭk drăm – tĕch pơdro – asong jang tơgăl hăm tơdrong tơbôl chĭnh trĭ, iŏk yua tơnăp hloh dôm trong jang hadoi hlôi đei.

Thủ tướng Phạm Minh Chính sơkơ̆t Việt Nam kơchăng pơm ‘măng mơ̆t lĕch vă dôm tơmam drăm kơ teh đak Rumani gơh tơmơ̆t truh Việt Nam păng ASEAN.  Ƀar pah adoi drơ̆ng nơ̆r hơtŏk pran jang hadoi đei jơnei lơ̆m tơdrong jang juăt jue nhen pơtho pơhrăm, khua hŏk kŏng ngê̆, vei sơđơ̆ng tơpôl, joh ayŏ tơplŏng kơdâu, tơmang pơhiơ̆, asong jang, jang pơgang hơmet jĭ jăn, atŭm hăm noh hơtŏk pơih să jang hadoi lơ̆m tơdrong jang ‘nao nhen kŏng ngê̆ thŏng tin, tơplih trong jang ‘nao, tơplih kơsô̆, tơplih jơk, jang mŭk drăm sơđơ̆ng...

Đơ̆ng rŏng pơma đam, 2 Thủ tướng hlôi bơ̆ng pang Lêh kĭ pơkăp 19 hla bar jang hadoi đơ̆ng dôm anih jang tơm, dôm tơring kơ 2 teh đak lơ̆m tơdrong jang mŭk drăm, joh ayŏ, asong jang păng pơtho pơhrăm.