Lăp đơ̆ng rŏng Pơm lêh sơng, Thủ tướng Lý Cường chĕp kơl Khul kơdră tang măt teh đak Trung Quốc hăm Thủ tướng Phạm Minh Chính chĕp kơl Khul kơdră tang măt Việt Nam pơgơ̆r pơma đam.

‘Măng năm tơmang au vă pơm hơdăh hloh dơ̆ng jang kiơ̆ ‘măng năm tơmang Trung Quốc đơ̆ng Tổng Bí thư Nguyễn Phú Trọng vă đĭ sơnăm 2022. Ƀar păh gô hơlen hơdăh pơtôch jang hơdoi hlôi iŏk đei lơ̆m khei năr au ki, tơlĕch dôm trong jang vă hơmet pơ ‘lơ̆ng păng atŏk tơ iung tơgoăt tơgoăl ‘lơ̆ng liĕm păng jang hơdoi lơ̆m khei năr kơnh, mă kăl ‘nŏh rim trong jang pơ̆ih să păng atŏk iŏk đei jơnei jang hơdoi lơ̆m rim tơdrong, pơtrŭt kơtang hơmet pơ ‘lơ̆ng tơhlăk tơhlĭn lơ̆m jang hơdoi; pơma dơnuh dih băl phăl hơlăng, tơpăt, yom kiơ̆ dih băl, hlôh vao dih băl, kơ yuơ rơngei hiôk hian, jang hơdoi păng atŏk tơ iung.