Hơlen lăng dôm tơdrong vei lăng pơm tơlĕch păng asong tơmam, pơlung kang ƀô̆, kŏng nhân Hnam kơ măy ŭnh điên Mông Dương, Thủ tướng Phạm Minh Chính athei Kŏng ti chih iŏk tơdrong kăl lơ̆m tơdrong chĕp kơ̆l pơgơ̆r, iŏk yua  kơ măy kơ mŏk, tơmam, hnam kơmăy; ưh kơ gơh jang hăt hot mă thei đei trong jang hrơ̆ch ‘lơ̆ng vă hoei kơ đei tơdrong hư răm; athei anih jang bơ̆jang ‘lơ̆ng tơdrong jang tơdra hơdrol păng hơmet ăn tôm dôm tơdrong hiôk vă pơvei pơm tơlĕch, vei sơđơ̆ng ăn hnam kơmăy kơdâu ƀlep kŏng suơ̆t, vei sơđơ̆ng ăn pơm tơlĕch, bơ̆jang.

Mă kăl ‘noh, Hnam kơmăy athei hơnơ̆ng pơm hơtŏk păng tơmơ̆t yua khoa hŏk ki thuơ̆t lơ̆m tơlĕch ŭnh điên, hơdai hăm tơmơ̆t yua đei jơnei tơdrong jang pơkăp ‘lơ̆ng vă vei lăng, iŏk yua Hnam kơmăy păng trong jang vei sơđơ̆ng kơtơ̆ng ang kiơ̆ pơkăp ‘lơ̆ng roi ‘năr roi lơ.