‘Nâu jĭ trong tơƀưh păih Pơmơ̆t truh păih Hơlĕch kơ dêh char Ninh Bình, hơdai hăm, tơƀưh hăm dôm trong gre gĭt kăl kơ teh đak, nhen trong gre kơdâu hrĕnh Bắc-Nam păih Hơlĕch, trong Hồ Chí Minh, trong gre kơ sô̆ 1A, trong tơ ter đak dơ sĭ (Thanh Hóa-Ninh Bình-Nam Định-Thái Bình-Hải Phòng-Quảng Ninh), trong gre treng Bắc-Nam...; pơm trong nơnăm gĭt kăl, tơƀưh hăm trong nơnăm kơ dêh char.

Tơdrong jang đei dêh char Ninh Bình băt hơdăh ‘noh jĭ tơdrong jang tơm, athei jang đang hrôih hloh vă tưk tơ iung, hơyak năm ‘lơ̆ng lơ̆m hơtŏk tơiung mŭk drăm - tơpôl kơ dêh char ƀơ̆t măt păng đei tơdrong jang gĭt kăl, đunh đai. Tơ̆ âu, Thủ tướng Phạm Minh Chính athei dêh char Ninh Bình akŏm ăn hơnăp jang tơlĕch jang ming man trong Hơlĕch - Pơmơ̆t kơ dêh char; hơdrin jăh jang đang trong hlôi tơlĕch jang; hăm dôm trong uơ oei dơ̆ng tơƀưh hăm dêh char Hòa Bình păng tơƀưh hăm trong tơ ter đak dơsĭ.