Tơ̆ jơ tơƀơ̆p, Thủ tướng athei, hơnơ̆ng tơlĕch jang đei yua dôm trong jang tơgŭm pơtho pơhrăm, vei lăng hơioh pơma atŭm, pơtho pơhrăm hơioh jo jăn pơma hơdrô̆. Lơ̆m noh, akŏm hơmet pơ ‘lơ̆ng tơdrong ưh kơ măh anih pơtho pơhrăm, mă loi ‘noh jĭ tơ̆ dôm pơlei tơm tih, anih jang kơmăy kơmŏk.

Athei pơyom hŏk tro, ưh kơ gơh pơ dê, athei pơ yom tơdrong hơtŏ hơnơ̆ng đơ̆ng kon bơngai, đơ̆ng noh mă tang găn đei tơdrong ngơ̆r pơ ƀrơh, teh dong hăm hơioh, mă ưh pă đei tơdrong thây kô pơtho đei dôm tơdrong pơm ưh kơ ƀlep hăm hơioh. Thủ tướng athei kăl kơ tŭn pran tơlĕch jang đei yua dôm trong jang tơgŭm găh bơngai jo jăn, lơ̆m noh đei hơioh jo jăn, hŏk tro jo jăn.