Noh đei Thủ tướng Campuchia, Thủ tướng Slovakia, Kơdră Jơnŭm jang jên hu kơ Jơnŭm jang hadoi kơpal teh gah vaccine păng ƀet bơ̆ng jĭ, Kơdră dơnơm kơ Anih jang Vei hơlen kơ̆l ‘ngok hơgei apŭng plenh teh, Kơdră dơnơm kơ Anih jang Pơgang hơmet jĭ jăn apŭng plenh teh, Kơdră dơnơm kơ Anih asong jang apŭng plenh teh...

Tơ̆ ‘măng pơma đam hăm Thủ tướng Campuchia Hun Manet, ƀar Thủ tướng hơpơi ‘meh tơroh pơtoi gah trong nơnăm kơ 2 teh đak đei hơtŏk hloh, lơ̆m noh pơtoi jăl trong tih, mă kăl noh pơtoi Phnôm Pênh hăm pơlei tơm Hồ Chí Minh; jang hadoi hăm teh đak Lào hơtŏk dôm tơdrong jang tơmang pơhiơ̆ "Minh hơyak 3 anih truh". Ƀô̆ trưởng Joh ayŏ kơ 3 teh đak Campuchia, Lào, Việt Nam gô tơƀơ̆p pơma đam hơdah gah trong jang hadoi joh ayŏ tơmang pơhiơ̆ trŏ luơ̆t. Ƀar pah adoi drơ̆ng nơ̆r gah tơdrong sek tơlang dôm tơring lơ̆m 16% jăl trong sơlam teh tam mă keh đang vă pơtoi dah ƀŭ jrăng pơkăp tơkăng teh.