Đơ̆ng rŏng năm truh Anih tơm Bắc Kinh pơtơm năm tơmang teh đak  Trung Hoa păng năm Hop akŏm rim xơnăm kơ dôm bơngai yuk hơlâu 'măng mă 14 kơ Hop akŏm Mŭk drăm apŭng plenh teh (WEF).

Pơma ăh jơ tơƀơ̆p, Thủ tướng teh đak bơ̆n Phạm Minh Chính ră hơdăh, Đảng păng teh đak bơ̆n hơnơ̆ng lăng kon pơlei Việt Nam hơrih tơ̆ teh đak đe, lơ̆m noh đei kon pơlei Việt tơ̆ Trung Quốc, jing minh păh ưh gơh tơklăh lơ̆m tơdrong tơguăt tơguăl kon pơlei, jing minh lơ̆m dôm jơhngơ̆m pran hơtŏk tơ-iung teh đak. Khei năr truh, Thủ tướng hơpơi 'meh kon pơlei Việt tơ̆ Trung Quốc pơtoi chĕp vei tơdrong tơgŭm dih băl, hơtŏk tơdrong pơ-ư̆ kơ hơdrung hơdrĕch, tơdrong tơguăt, tơgŭmd ih băl găn hloh tơnap tap; hơdrin hơtŏk tơ-iung, jang hadoi kăp gĭt, pơm kiơ̆ khôi luơ̆t păng tơgop ăn tơdrong hơtŏk tơ-iung tơ̆ teh đak tŏk bŏk oei hơrih xa; tơpă jing gơng tơroh ăn tơdrong jang tơbôl tôm tơdrong đơ̆ng Việt Nam păng Trung Quốc.