Tơ̆ hop akŏm, Thủ tướng Phạm Minh Chính athei, tơtĕnh pơjing Trong tơlĕch jang kiơ̆ tơdrong proh hơmet tơring kiơ̆ lơ̆m tơdrong “hiôk găh tơdrong jang tơgŭm, hiôk găh anih jang kăl păng hơgei găh vei lăng”. Akŏm hơmet ming dơ̆ng dôm tơdrong jang mŭk drăm, tơplih ‘nao tơdrong jang tŏk kiơ̆ trong ‘nao.

Tơgŭm hơdrol tơmơ̆t jên jang dôm tơdrong jang tơm; akŏm pơtho pơhrăm hơtŏk tơiung bơngai jang, sơng đei bơngai hơgei, pơtrŭt tơplih ‘nao, hơgei, tơchĕng hơlen, iŏk yua khoa hŏk kơmăy kơmŏk. Hơtŏk pran dôm hơnih pơjing tơdrong jang sa, tơplih ‘nao hơgei. Tŭn pran hơmet ming hla ar bơ̆jang, tơplih ‘lơ̆ng hơnih tơmơ̆t jên jang tĕch mơdro; tŭn pran pơtrŭt tơmơ̆t jên jang, hơmet ăn ‘lơ̆ng dôm tơdrong jang tơm, gĭt kăl vă sơng đei iŏk yua dôm bơngai tơmơ̆t jên jang, mă loi ‘noh jĭ dôm bơngai tơmơ̆t jên jang lơ̆m tơdrong jang kăl.