Tơdrong jang âu đei akŏp kơ jung dang 519 km, hăm akŏp kơ sô̆ jên tơmơ̆t jang hloh 22.350 ti hlak jên. Akhan, tơdrong jang pơm Trong tơley 500kV iŏk đơ̆ng Quảng Trạch truh tơ̆ Phố Nối đei tơdrong ‘lơ̆ng gĭt kăl, tơdrong tơlĕch jang tơdrong jang pơm lăp hăm ‘meh vă, mă lei tơdrong jang oei tôch kơ tih, vă jang đang dôm tơdrong jang kiơ̆ trong tơlĕch jang, Thủ tướng Phạm Minh Chính athei dôm anih tơm, anih jang, tơring hơnơ̆ng jang hơdai, dăr hơlen dôm tơdrong ƀơm truh; tơtom hơmet pơ ‘lơ̆ng dôm tơdrong tơhlăk tơhlĭn kiơ̆ gơh kĭ ăn, vei sơđơ̆ng tơtom hrĕnh, ‘lơ̆ng păng bơ̆jang sơđơ̆ng, mă loi ‘noh jĭ sơđơ̆ng bơ̆jang tơ̆ dôm hơnih mơmat păng lơ̆m tŏ ‘mi kial ưh kơ hiôk.

Thủ tướng pơma hơdăh, dôm anih jang, tơring jang hơdai kơjăp hăm băl păng hăm kon pơlei, anih mơdro sa yua kơ tơdrong hơgăt atŭm, veh ver kơ pơm pơjoăl, ưh kơ ‘lơ̆ng, sa pơgơ̆m pơjĭp lơ̆m kơpăh tơlĕch jang tơdrong jang, kiơ̆ lơ̆m jơhngơ̆m đon “răp mơ̆ng, vang tơgŭm, bơ̆jang”, “vang jang, jang jơnei păng vang iŏk yua”.