Đơ̆ng rŏng kơ mơ̆ng nơ̆r tơgop đơ̆ng bơngai tang măt dôm anih tơm, pơma pơtôch jơ bơ̆ jang, tang măt ăn Khul kơdră tĕh đak, Thủ tướng Phạm Minh Chính pôk pơ ư tơdrong adrin păng dôm tơdrong jang đei đơ̆ng Đảng ƀô̆, khul kơdră pơgơ̆r, khul linh păng kon pơlei dêh char Hà Giang, tơgop ăn tơdrong jơnei atŭm kơ tĕh đak.

Găh tơdrong vă jang, trong jang truh âu kơnh, Thủ tướng pơma hơdăh, athei mât mĭnh jơhngâm, drơ̆ng pôm nơ̆r lơ̆m anih jang, jang hơdoi kơjăp hăm trung ương, akŏm jơhngâm chĕp kơ̆l pơgơ̆r bơ̆ jang 3 tơdrong jang tơm, gĭt kăl, mă loi jĭ akŏm jơhngâm tơlĕch jên jang đơ̆ng tĕh đak, jang ‘lơ̆ng tơdrong jang tơproh hơmet hơdrol păng atŏk tơiung trong nơnăm, anih jang, athei năng ‘nâu jĭ tơdrong jang chinh trĭ gĭt kăl. Hơnơ̆ng chih pơkĕh trong tơprŏh jang kơ dêh char đơ̆ng 2021-2030, trong vă jang truh sơnăm 2050 trŏ năr hơgăt păng ‘lơ̆ng.