Pơma pơtôch jơ bơ̆ jang, Thủ tướng Phạm Minh Chính tơchĕng ‘lơ̆ng nơ̆r tơroi tôm tơdrong đơ̆ng dêh char păng dôm nơ̆r pơma tơgop tôch tơpăt, ƀĕnh jơhngâm đon tơnăp ‘lơ̆ng, lăp hăm yăn âu đơ̆ng kơdră chĕp kơ̆l dôm anih tơm, anih jang kơpal. Thủ tướng athei Tiền Giang ‘moi kiơ̆ trong jang, tơdrong tơgŭm đơ̆ng Đảng, khôi luơ̆t teh đak, tơlĕch jang ‘lơ̆ng dôm tơdrong tơproh trong jang, hơtŏk tơdrong jang kiơ̆ 3 tơdrong jang tŏk pran vă jang đei jơnei tơdrong jang atŏk tơiung mŭk drăm, tơpôl kơ dêh char.

Thủ tướng pơma tơƀôh, tơdrong jang, trong vă jang tơm tơ̆ hơnăp kơnh lơ̆m noh pơma hơdăh, Dêh char athei jăh tơlĕch trong jang, pơgơ̆r bơ̆ jang hrơ̆ch ‘lơ̆ng, bơ̆ jang mă pran ‘lơ̆ng, đei yoa tơdrong Tơproh trong jang đơng dêh char Tiền Giang đơ̆ng 2021-2030, trong jang truh sơnăm 2050; pơgơ̆r roi tơbăt mă hơdăh ăn đĭ đăng kon pơlei lơ̆m dêh char, pơjing tơdrong drơ̆ng 1 nơ̆r mưh tơlĕch bơ̆ jang.