Năm lăng hơnih jang tơchĕng hơlen, pơm tơlĕch păng dôm tơmam kơmăy kơmŏk ‘nao ‘lơ̆ng yua đơ̆ng Viettel tơchĕng hơlen păng pơm tơlĕch ‘noh đei 3 tơdrong jang: khŭl lĭnh, hơnih viễn thông, tơmam pơyua ăn kon pơlei, Thủ tướng Phạm Minh Chính chih iŏk, pôk pơ ư, lăng ‘lơ̆ng jơnei găh tơdrong jang tơchĕng hơlen, pơm tơlĕch kơmăy kơmŏk ‘nao đơ̆ng Grŭp jang Viettel.

Thủ tướng teh đak athei Viettel akŏm bơ̆jang kiơ̆ dôm hơnăp jang hăm tơdrong iung jang hơdrol tơ̆ hơnăp kơnh, jĭ tơplih ‘nao pơcheh hơgei, pơ̆n tơchĕng, pơ̆n jang, pơ̆n pŭ hơnăp jang, păng iung jang hơdrol lơ̆m vei lăng, iŏk yua đei jơnei dôm kon jên jang đơ̆ng teh đak tơmơ̆t jên jang ăn hơtŏk tơiung kơmăy kơmŏk. Thủ tướng athei Viettel hơnơ̆ng bơ̆jang kiơ̆ ‘lơ̆ng hloh dơ̆ng trĕng lăng păng hơnăp jang đơ̆ng kơdih vă bơ̆jang kiơ̆ dôm hơnăp jang đei pơjao.