Pơtôch jơ bơ̆jang, Thủ tướng Phạm Minh Chính pôk pơ ư dôm tơdrong hơdrin păng jơnei iŏk đei đơ̆ng Đảng bộ, khŭl kơdră, lĭnh păng kon pơlei dêh char Bắc Kạn, tơgop gĭt kăl lơ̆m jơnei atŭm kơ lơ̆m teh đak. Tơ̆ hơnăp kơnh, Thủ tướng athei, dêh char Bắc Kạn bơ̆jang kiơ̆ tơpăt, đei yua tơdrong tơchơ̆t hop akŏm XIII kơ Đảng, tơdrong tơchơ̆t Hop akŏm Đảng bộ dêh char; jang kiơ̆ yan âu, athei đei hơdrin tôch ai, bơ̆jang kơtang, đei yua. Jĭ tơring đei lơ kon pơlei kon kông arih sa, tơmơ̆t jên jang ăn hơtŏk tơiung anih jang kăl, pơvih pơvăn tơmang lăng kăl hơ tơklep hăm vei sơđơ̆ng tơpôl păng ưh kơ pơ dơh tơplih ‘lơ̆ng tơdrong arih sa kơ kon pơlei.

Hơtŏk tơiung athei tơklep hăm hơtŏ băl păng hơgei tơpôl. Thủ tướng pơma hơdăh, dêh char athei jang ‘lơ̆ng tơdrong jang proh hơmet păng hơtŏk tơiung anih jang kăl, lăng ‘nâu jĭ hơnăp jang chĭnh trĭ tơm păng tơgŭm hơdrol kơ dêh char. Tơtĕnh jang đang păng pơtruh kĭ ăn chĕng hơmet teh dêh char jăl jang 2021-2030, lăng truh sơnăm 2050.