Pơtôch jơ hop akŏm Thủ tướng hlôi tơroi tơblang tơmam pran ‘lơ̆ng kơ dêh char păng tơroi rơđăh: Đồng Tháp jĭ dêh char đei tơmam ‘lơ̆ng, tơdrong pran; hơmĕng dêh char roi ‘năr roi sơkơ̆t hơdăh hơnăp jang, anih dơ̆ng gĭt kăl, jĭ anih tơm choh jang sa kơjăp, chông hơdrol lơ̆m teh đak lơ̆m 1.2 tơdrong jang choh jang sa đei tơdrong ‘lơ̆ng nhen ka hơdang, plei ‘long, phe ƀa.

Thủ tướng tơƀôh rơđăh, tơ̆ hơnăp kơnh, Đồng Tháp kăl kơ akŏm pơtrŭt 3 tơdrong ‘lơ̆ng jang tŏk (tơmơ̆t jên jang, răt yua, tĕch tơ̆ teh đak đe); iŏk jang ‘lơ̆ng anih tĕch mơdro lơ̆m teh đak păng teh đak đe; hơdrin tŭn hrĕnh tơlĕch jên tơmơ̆t jên jang teh đak; tơtom hơmet pơ ‘lơ̆ng mơmat tat, tơhlăk tơhlĭn, pơtrŭt pơm tơlĕch, tĕch mơdro. Dêh char hơnơ̆ng tŭn pran hơmet ming hla ar bơ̆jang, tơplih ‘lơ̆ng hơnih tơmơ̆t jên jang tĕch mơdro; akŏm hơtŏk tơiung kơmăy kơmŏk pơm tơlĕch, kơmăy kơmŏk ‘nao, ŭnh hơyuh rơgoh. Hơtŏk tơiung choh jang sa rơgoh, kơjăp, iŏk yua kơmăy kơmŏk ‘nao, pơjing dôm trong jang hơdai tơmam tơm, đei tơdrong ‘lơ̆ng, tơgŭm jang hơdai pơm tơlĕch - tĕch mơdro ‘moi kiơ̆ trong trực tuyến, tĕch mơdro lơ̆m điện tử. Hơtŏk tơiung tơmang lăng tơklep hăm jơhnơr arih, joăt joe, tơdrong ‘lơ̆ng hơiă joh ayŏ, lăp hăm tơdrong đei kơdih, dôm tơmam ‘lơ̆ng, đei hơdrô̆.