Đơ̆ng rŏng mơ̆ng dôm nơ̆r tơgop pơma, pơtôch jơ bơ̆jang Thủ tướng Phạm Minh Chính pơ ư tơdrong hơdrin păng lăng ‘lơ̆ng jơnei mă Đảng bộ, Khŭl kơdră păng kon pơlei Trà Vinh iŏk đei lơ̆m jang kiơ̆ hơnăp jang hơtŏk tơiung mŭk drăm khei ‘năr âu ki, hlôi tơgop lơ̆m tơdrong hơtŏk tơiung atŭm kơ teh đak.

Găh trong vă jang hơtŏk tơiung Thủ tướng tơƀôh rơđăh, dêh char kăl kơ jang kiơ̆ đei yua tơdrong jang tơm vă pơm tơdrong hơtŏk tơiung ‘lơ̆ng, kơjăp, Trà Vinh kiơ̆ lơ̆m dôm tơdrong tơm: Choh jang sa tơmơ̆t yua kơmăy kơmŏk ‘nao hăm đon tơchĕng mŭk drăm choh jang sa; Mŭk drăm đak dơ sĭ pơm tưk tơiung ‘lơ̆ng; Kơmăy kơmŏk akŏm lơ̆m pơm tơlĕch tơmam đơ̆ng choh jang sa, ŭnh hơyuh rơgoh; Pơtrŭt hơtŏk rơgoh, tơplih kơsô̆, tơplih ‘nao pơcheh hơgei, bơngai jang ‘lơ̆ng; Anih jang kăl ki thuơ̆t, tơpôl, anih kơdrơ̆m tơmơ̆t jên jang hrơ̆ch 1 ‘măng, ‘nao.