Bơ̆jang hăm Khŭl chĕp kơ̆l pơgơ̆r Anih jang Đảng dêh char Vĩnh Phúc, Thủ tướng tơtă kơ tơring kăl pơjing tơdrong jang, tơlĕch trong vei sơđơ̆ng tơdrong hơgăt jang tŏk hloh 8% lơ̆m sơnăm 2025 păng tŏk 2 kơsô̆ lơ̆m dôm sơnăm đơ̆ng rŏng dơ̆ng; hơdrin, kơchăng kăt tơ jur tŏ sĕt hloh 30% hla ar bơ̆jang tơm pơting hăm hrei ‘nâu, pơm tơdrong hiôk ‘lơ̆ng ăn kon pơlei, anih mơdro sa bơ̆jang; tŭn pran hloh dơ̆ng tơdrong hơtŏk tơiung hnam oei tơpôl; hơvơn tôch ai rim kon jên jang ăn hơtŏk tơiung anih jang kăl.

Kŭm lơ̆m ‘năr 16/3,  Thủ tướng Phạm Minh Chính vang truh pơm lêh tơlĕch jang ming man hnam oei tơpôl hăm hloh 5.300 tŏ hnam, akŏm jên tơmơ̆t jang hloh 7.000 ti hlak jên. Năr âu mơ̆n, Thủ tướng vang truh pơm lêh tơlĕch jang tơdrong jang pơjei băl pơm trong tơley ŭnh điên 500 kV Lào Cai - Vĩnh Yên, hăm kơjung vă 230km, akŏm jên tơmơ̆t jang hloh 7.410 ti hlak jên.