Pơma tơ̆ jơ hop akŏm, Thủ tướng Phạm Minh Chính tơƀôh đon chhôk hơiă đei tơƀơ̆p dôm bơngai buăl kơ kon pơlei Việt Nam, dôm bơngai hlôi jang pơtăl, rong ‘me păng ưh kơ pơdơh tơgop, plang jơhngơ̆m ăn tơdrong pơvei 2 teh đak Việt Nam - Hàn Quốc lơ̆m hloh 30 sơnăm. Tang măt Khŭl kơdră teh đak, Thủ tướng bơnê kơ dôm khŭl jang, rim bơngai, dôm bơngai buăl Hàn Quốc yua kơ tơdrong ‘mêm, tơdrong tơgŭm păng dôm tơdrong hơdrin ‘măn ăn kơ Việt Nam; hơdai hăm pơma hơdăh tơdrong ‘mêm mơnat, tơdrong pơ yom đơ̆ng kon pơlei Việt Nam, khŭl tang măt Việt Nam hăm teh đak, kon pơlei Hàn Quốc.

Thủ tướng pơma hơdăh Đảng, Teh đak Việt Nam lăng kăl tơdrong pơvei hăm Hàn Quốc. Kiơ̆ lơ̆m jang kiơ̆ kơjăp trong jang tơbôl hiôk hian, pơm tơm kơdih, rơngei, tơbôl, jang hơdai păng hơtŏk tơiung, lơ trong, lơ pang. Việt Nam lăng kăl tơdrong pơvei hăm Hàn Quốc păng ‘meh vă hơnhăk jang hơdai 2 teh đak hơnơ̆ng đei hơyak ‘lơ̆ng, đei yua păng đunh đai tơgăl hăm tơdrong pơvei jang hơdai gĭt kăl tôm tơdrong.