Roi tơbăt lơ̆m kơ plăh dăr lăng yan âu tơ̆ pơsat Ƀok Hồ, Vei lăng Anih vei lăng Pơsat Ƀok Hồ, Yŏng Anih chĕp kơ̆l pơgơ̆r khŭl linh 969, Đại tá Phạm Hoài Trung tơbăt, bơ̆jang kiơ̆ hơnăp jang đei pơjao, Anih vei lăng Pơsat hlôi kơchăng pơjing trong jang, hơmet ăn ‘lơ̆ng găh bơngai, tơmam, trong jang, jang hơdai, tơlĕch jang bơ̆jang hơmet ming Pơsat vei sơđơ̆ng ‘lơ̆ng păng jang đang ƀlep tơdrong jang tơlĕch ăn.

Đơ̆ng rŏng pơm hơmet ming, hơkâu Ƀok Hồ hơnơ̆ng đei vei lăng ‘lơ̆ng hloh; kơmăy kơmŏk ki thuơ̆t bơ̆jang sơđơ̆ng, ƀlep, lui ngeh, vei sơđơ̆ng kơ sô̆ proh hơmet hiă; hơnih, pơsat păng dôm tơdrong jang nai ‘lơ̆ng kơ jăp, rơgoh ‘lơ̆ng hloh; kang ƀô̆, bơngai jang, khŭl linh mong răk đei dơ̆ng tơdrong hlôh vao, hơtŏk ‘lơ̆ng tơdrong hlôh vao pơgơ̆r păng tơdrong pơm lăp ‘meh vă hơnăp jang chĭnh trĭ đơ̆ng anih jang.