Tơ̆ Hop akŏm, ƀar păh pơma dơnuh dih băl phăl hơlăng, tơbăt dih băl dôm trong jang hơ iă, tơchăr hơgei, dôm trong jang ‘lơ̆ng vă hơmet pơ ‘lơ̆ng tơdrong tơmơ̆t jên jang, mơdro sa-tơmơ̆t jên jang ƀar teh đak.

Thủ tướng Teh đak Phạm Minh Chính hôn bơnê kơtang dôm tơdrong chă tơbăt dih băl tơpăt đơ̆ng rim hơnih mơdro sa kơ Hàn Quốc găh tơdrong mơdro sa tơ̆ Việt Nam păng pơkăp tơmơ̆t jên jang tơ̆ Việt Nam lơ̆m dôm tơdrong jang hle. ‘Nau jĭ mĭnh trong ƀôh hơdăh ăn tơdrong yak hơdoi, lui ngêh dih băl, hlôh vao dih băl păng tơbăt trong jang hơ iă đơ̆ng rim hơnih mơdro sa kơ Hàn Quốc hăm Việt Nam kiơ̆ trong đei iŏk yua hơdoi. Lơ̆m khei năr apŭng plĕnh teh tơplih kơtang, tơnap tap, Việt Nam hôn bơnê tơdrong vang iung jang kơtang đơ̆ng rim bơngai teh đak đe tơmơ̆t jên jang, mă kăl rim hơnih mơdro sa kơ Hàn Quốc.