‘Măng năm bơ̆ jang đơ̆ng Thủ tướng Phạm Minh Chính vang năm Hop akom BRICS ‘noh ‘măng iung năm gĭt kăl kơ tơdrong jang tơbôl đơ̆ng Việt Nam ‘noh pơm tơm kơdih, lơ trong jang, jang hơdoi lơ pang jang tơbôl. Tơdrong vang năm đơ̆ng kơdră chĕp kơ̆l teh đak Việt Nam tơ̆ Hop akŏm ou tơbăt hơdăh bơ̆ jang hơdrin, hơnăp jang kơtang đơ̆ng Việt Nam lơ̆m xek tơlang rim tơdrong atŭm kơ kon bơngai. Đơ̆ng noh tơƀôh hơdăh nơ̆r pơma pơkăp păng hơnăp jang kơ Việt Nam vang yak hơdoi hăm rim teh đak lơ̆m tơpôl apŭng plĕnh teh, pơtrŭt kơtang iung jang hơdoi lơ pang, tơgoăt tơgoăl apŭng plĕnh teh păng atŏk kơtang jơhngơ̆m đon pơm kiơ̆ kơjăp ‘lơ̆ng khôi luơ̆t, tơgop pơjing đei rơngei hiôk hian, pơtrŭt kơtang jang hơdoi păng atŏk tơ iung apŭng plĕnh teh.