65 sơnăm kơ âu, dôm tơdrong đei jơnei gah Khua hŏk păng Kŏng ngê̆ păng tơplih ‘nao gơh hơgei hlôi răk ‘măn lơ tơdrong lơ̆m jơhnơr hơrih kơ lơ tơdrong jang dơnơm kơ teh đak, jing tơdrong tơm ăn hơtŏk tơ-iung teh đak kơjăp sơđơ̆ng.

Pơma ah jơ lêh,  Thủ tướng Phạm Minh Chính bơnê kơ dôm bơngai chih akŏm, dôm bơngai jang khua hŏk đei pôk Hơpah sơnăm âu; atŭm hăm noh, chih tơbăt păng pôk bơnê kơ tơdrong hơdrin pơm jang đei jơnei păng dôm tơdrong tơgop đơ̆ng khul bơngai jang khua hŏk pơma hơdrô̆ păng anih jang Khua hŏk păng Kŏng ngê̆ pơma hơtŭm ăn teh đak. Thủ tướng hơpơi ‘meh, hăm tơdrong nhan lăp chih akŏm hơlen, pơm jang ăn Khua hŏk kŏng ngê̆ đơ̆ng dôm chăl bơngai yuk hơlâu pơtoi đei pơlan să, hơtŏk pran lơ̆m khul mơlôh, mă hăt noh khul jang khua hŏk hrei âu păng ning nai kơnh.