Sơkơ̆t hơdah, tơdrong hơmet vei sơđơ̆ng kơjăp tơpôl teh đak jing sơnong jang dơnơm, kăp gĭt kơ Khul linh bơ̆n, đei Đảng, Ƀok Hô păng Kon pơlei pơjao; tŏk bŏk oei tơlĕch lơ tơdrong pơkăl ‘nao, trăp trĭn păng adoi nuih mơng lơ̆m chăl ‘nao dang ei.

 Thủ tướng teh đak bơ̆n Phạm Minh Chính sơkơ̆t hơdah Đảng, Teh đak lui ngeh păng hơpơi ‘meh kan ƀô̆, khul linh pơtoi chĕp vei đon bơnôh kăch mạng, tơdrong juăt jue kơ Khul linh kon pơlei Việt Nam nuih kơtang; tơguăt tơguăl, tơplih ‘nao, sơnong jang tơnăp, khŏm mă keh đang tơnăp rim sơnong jang đei pơjao, tơgăl jing “Ƀô đô̆i Ƀok Hô”, tơgăl hăm dôm nơ̆r mă Ƀok Hô hlôi pơtho: “Sơnong jang ayơ adoi keh đang, tơnap tao ayơ adoi găn hloh, ayăt mă yơ adoi tơblah tơpăi iŏk jơnei”; tơgăl hăm đon lui, ‘mêm băt đơ̆ng Đảng, Teh đak păng kon pơlei.