‘Nâu jĭ ‘măng năm bơ̆jang gĭt kăl, lơ tơdrong ‘lơ̆ng đơ̆ng Thủ tướng, lơ̆m khei ‘năr tôch kơ gĭt kăl: Việt Nam-Nhật Bản ‘nao hơtŏk tơdrong pơvei tŏk Jang hơdai gĭt kăl tôm tơdrong yua kơ tơdrong rơngei păng hơnŭk hơnoa tơ̆ châu Á păng lơ̆m apŭng plĕnh teh ƀlep ƀơ̆t ‘măng năm ngôi tơ̆ Nhật Bản đơ̆ng kơdră teh đak Võ Văn Thưởng lơ̆m khei 11 âu ki; hơdai hăm ‘noh ASEAN-Nhật Bản kŭm pơtơm pơjing tơdrong pơvei jang hơdai gĭt kăl tôm tơdrong (CSP) tơ̆ Hop akŏm kơdră kơpal ASEAN-Nhật Bản ‘măng mă 26 tơ̆ Indonesia lơ̆m khei 9/2023.

Ƀlep hơdai, pơđĭ Việt Nam păng ASEAN adoi pơjing tơdrong pơvei jang tơbôl hăm Nhật Bản lơ̆m sơnăm 1973 - đunh kơ âu ƀlep 1 puăt anglŏ sơnăm. Tơchĕng hơdrol dôm kơdră chĕp kơ̆l ASEAN păng Nhật Bản gô hơlen lăng kơdih dơ̆ng kơplăh jang hơdai 50 sơnăm âu ki, đơ̆ng noh tơlĕch ăn trĕng lăng păng tơlĕch jang hơtŏk tơiung tơdrong pơvei lơ̆m jăl jang ‘nao. Hơdai hăm ‘noh Hop akŏm gô pơdrơ̆ng kiơ̆ 2 hla ar kăl ‘noh đei: “ Tơchơt hơdăh trĕng lăng găh tơdrong tơbôl păng jang hơdai ASEAN-Nhật Bản: Teh đak jang hơdai lui ngeh” păng “Trong tơlĕch jang Tơdrong tơchơ̆t trĕng lăng găh tơdrong pơvei tơbôl păng jang hơdai ASEAN-Nhật Bản: Teh đak jang hơdai lui ngeh”; vă pơm hơdăh ‘lơ̆ng dôm jơnei pơma dơnuh đơ̆ng dôm kơdră chĕp kơ̆l tơ̆ hop akŏm.