Pơma ah Hop akŏm, Thủ tướng teh đak bơ̆n Phạm Minh Chính sơkơ̆t hơdah, tơdrong jang Kŏng an sơnăm 2023 hlôi đei jơnei tơnăp hloh kơ sơnăm 2022.

Thủ tướng ră hơdah, Đảng, Jơnŭm pơgơ̆r teh đak lui ngeh, kon pơlei hơpơi ‘meh khul Kŏng an kon pơlei pơtoi chĕp vei tơdrong juăt jue nuih mơng, "Kơyuơ teh đak hiơt dơh po, kơyuơ kon pơlei mă pơm jang", "Hơdrô̆ băt oei Đảng noh oei dơh po", "Tơnŏk ‘lơ̆ng noh grasia, kăp gĭt hloh"; jing um ai kơ tơdrong tơguăt tơguăl; yuk hơlâu lơ̆m pơm kiơ̆ trong tơchơ̆t jang đơ̆ng Đảng, Jơnŭm pơgơ̆r teh đak; sơkơ̆t kơ-‘nôh tih tên pơm jang pơyua ăn Teh đak, ăn kon pơlei; ling lang tơgăl jing khul jang dơnơm, lui ngeh, tơguăt kơjăp hăm Đảng, Jơnŭm pơgơ̆r teh đak păng kon pơlei.