Thủ tướng sơkơ̆t hơdah, Đảng, Teh đak, Jơnŭm pơgơ̆r teh đak ling lang tơrĕk kăp gĭt, tơlĕch păng iŏk jang tơnăp lơ trong jang, asong bơngai jang vă hơtŏk gah joh ayŏ, vei răk tơƀăk mong joh ayŏ kon pơlei, hơtŏk gah văn hŏk ngê̆ thuơ̆t păng lơ tơdrong jang joh ayŏ nai.

Tang măt ăn đe kơdră Đảng păng Teh đak, Thủ tướng pôk bơnê kơ dôm tơdrong tơgop tih tên đơ̆ng khul bơngai jang gah joh ayŏ lơ̆m jâ̆p teh đak; hmach bơnê kơ 78 'nu bơngai jang hơgei 'năr âu păng pôk hơpah hăm dôm tơdrong kơ-'nôh jang đei jơnei đơ̆ng anih jang gah Joh ayŏ lơ̆m khei năr âu ki. Thủ tướng hơpơi 'meh păng lui ngeh, rim bơngai tang măt jang hơgei 'năr âu gô hơtŏk sơnong jang po, pơtoi jing jơhngơ̆m pran vă đơ̆ng rŏng kơ Hop akŏm âu, gô đei lơ bơngai đei trong jang hơgei tơnăp, tơgop lơ̆m sơnong jang kơ anih jang joh ayŏ pơma hơdrô̆, kơyuơ tơdrong hơtŏk joh ayŏ pơma atŭm.