Pơma ah hop akŏm, Thủ tướng hmach bơnê kơ dôm tơdrong đei jơnei kăp gĭt đơ̆ng anih jang Pơtho Pơhrăm lơ̆m sơnăm hŏk 2022-2023, tơƀôh tơdrong dăp đon dăp bơnôh kơ tôm anih jang. Gah trong jang tơm ăn sơnăm hŏk 'nao, Thủ tướng pơkăl rim anih jang, rim tơring pơtoi hơlen, tơplih tơtom dôm tơchơ̆t jang, keh đang khôi luơ̆t vă ƀônh ƀŏ ăn tơdrong tơplih 'nao Pơtho Pơhrăm, hơtŏk tơdrong vei lăng đơ̆ng teh đak gah pơtho pơhrăm.

Mă kăl Thủ tướng athei, pơgơ̆r mă tơnăp tơdrong sơkơ̆t 10 sơnăm pơm kiơ̆ Tơchơ̆t 29 đơ̆ng TW gah tơplih 'nao tôm tơdrong Pơtho Pơhrăm; Pơtoi hơlen lăng, hơtŏk Tơdrong pơtho phôh thŏng 2018 mă trŏ ƀlep hăm tơchơ̆t tơlĕch; Chih akŏm tơplih dôm tơchơ̆t tơgŭm hăm khul bơngai pơtho mă trŏ ƀlep; Hơtŏk tơroi tơbăt gah trong tơchơ̆t tơplih 'nao lơ̆m pơtho pơhrăm, pơjing tơdrong drơ̆ng nơ̆r đơ̆ng rim raih kon pơlei;