Pơma ah hop akŏm, Thủ tướng Phạm Minh Chính chih iŏk, hmach bơnê kơ tơdrong hơdrin păng jang đei jơnei kơ Anih mong jên lơ̆m sơnăm 2023, tơgop kăp gĭt lơ̆m tơdrong jang đei jơnei hơtŭm kơ jâ̆p teh đak.

Gah dôm sơnong jang hơdah Thủ tướng pơkăl Anih mong jên teh đak tơrĕk pơgơ̆r jang gah jên hu tơnăp kơchăng, tơtom păng đei jơnei hloh, jang hadoi kơjăp hăm tơchơ̆t jang jên hu pơih să trŏ ƀlep, dơnơm păng dôm trong pơm jang kăp gĭt nai. Tơchơ̆t tơlĕch noh athei asong hơdrol gah hơtŏk mŭk drăm tơguăt hăm sơđơ̆ng gah mŭk drăm pơyua, hơlen tang găn huach kư̆ kă, vei sơđơ̆ng hăm dôm tơdrong jang mŭk drăm pran, sơđơ̆ng gah jên hu jang tơbôl păng sơđơ̆ng hăm tôm anih jang gah jên mong.