Hop akŏm âu vă pơtoi pơm hơdah dôm tơchơ̆t jang đơ̆ng Đảng, Khul kơpal teh đak gah hơtŏk tơring tơmăn đak Krong Hồng, Tơring dơnơm jang mŭk drăm gah Tu, Tơring jang kơ Anih tơm păng dêh char Hải Dương, mă kăl noh Tơchơ̆t đơ̆gn Anih tơm Chĭnh trĭ gah hơtŏk mŭk drăm tơpôl, vei sơđơ̆ng tơpôl teh đak, sơđơ̆ng tơpôl tơring Tơmăn đak krong Hồng truh sơnăm 2030, sơkơ̆t lăng truh sơnăm 2045.

Pơma ah Hop akŏm, Thủ tướng Phạm Minh Chính ră hơdah, Hải Dương akŏm lơ mŭk drăm phara băl, trong hiôk hơdah, tơdrong tơgar jang pran vă hơtŏk mŭk drăm tơpôl tenh păng kơjăp sơđơ̆ng, jing anih kăp gĭt hăm dôm anih asong jang lơ̆m teh đak păng đơ̆ng teh đak đe, pơm trong hiôk vă hơtŏk tơ-iung ăn Hải Dương păng pơlan să ăn tơring Tơmăn đak krong Hồng păng jâ̆p teh đak. Atŭm hăm noh Thủ tướng pơkăl, hơtŏk pran tơplih trong jang mŭk drăm, tơguăt hăm hơtŏk pơyua, hơtŏk tơdrong gơh tơgar jang, gơnơm đơ̆ng trong jang kiơ̆ tơplih kơsô̆, tơplih gah kơmăi kơmŏk păng pơm jang gơh hơgei, hơtŏk mŭk drăm jơk, mŭk drăm sơđơ̆ng.