Hop akŏm WEF Đại Liên 2024 đei măt đơ̆ng 1.600 ‘nu bơngai tang măt. Thủ tướng Phạm Minh Chính jĭ 1 lơ̆m kơsô̆ tŏ sĕt bơngai Chĕp kơ̆l teh đak đei WEF păng teh đak pơgơ̆r Trung Quốc krao năm hôp lơ̆m 2 sơnăm tơtil hloi. Tơdrong ‘nŏh tơƀôh hơdăh WEF păng Trung Quốc tôch năng kăl anih dơ̆ng, hơnăp jang păng tơdrong tơgop đơ̆ng Việt Nam ăn tơdrong jang tŏk mŭk drăm lơ̆m plei teh kŭm nhen trong vă jang tŏk đơ̆ng Việt Nam hăm mŭk drăm tơ̆ hơnăp kơnh.

Tơ̆ hop akŏm, Thủ tướng teh đak gô đei lơ ‘măng tơƀâp 2 pang păng lơ pang. Mă loi sơnăm ‘nâu, ‘măng mă blŭng Thủ tướng teh đak đei 1 ƀai iung pơma tôch gĭt kăl ƀât blŭng Hop akŏm atŭm hăm Thủ tướng Trung Quốc Lý Cường păng kơdră chĕp kơ̆l dôm teh đak. ‘Ngoăih kơ ‘nŏh, Thủ tướng teh đak vă pơma lơ̆m dôm ‘măng pơma nuh tơ̆ Hop akŏm, pơ gơ̆r lơ ‘măng pơma nuh, pơma đam hăm Khul tĕch mơdro ‘măn hơdrô̆ ăn Việt Nam.