Đăi hŏk Ming man Bucharest (UTCB) jing trưng đăi hŏk tih, kăp gĭt hloh kơ teh đak Romania akŏm pơtho pơhrăm gah kih thuơ̆t tơdrong jang kăl yua.

Pơma hăm đe kơdră kơpal păng khul kang ƀô̆, đe yăo sư, bơngai pơtho tơ̆ hnam trưng, Thủ tướng teh đak bơ̆n Phạm Minh Chính tơroi dơ̆ng gah tơdrong jang jê̆ 75 sơnăm tơbôl Việt Nam – Romania, sơkơ̆t hơdah, Việt Nam lăng tơgĭt tơbôl juăt jue păng jang hadoi ‘lơ̆ng rŏ hăm Romania; hơpơi ‘meh lơ̆m tơdrong pơtho pơhrăm, hnam trưng pơtoi chĕp vei sơnong jang kơ minh anih pơtho pơhrăm hơgei kơ Romania lơ̆m hơtŏk pran tơdrong jang tơbôl gah pơtho pơhrăm, hơlen khua hŏk trong jang ‘nao, mă kăl noh gah tơdrong jang pran kơ Hnam trưng hăm dôm anih jang pơtho pơhrăm, jang hadoi kơ Việt Nam; tơgop hơtŏk hloh dơ̆ng tơdrong tơbôl jang hadoi kơ 2 teh đak.