Khei năr âu ki, khul Kanh sat hơlen trong nơnăm hlôi jang tơnăp tơdrong chih akŏm, keh đang khôi luơ̆t; dôm pơgơ̆r kăp gĭt gah tơdrong vei sơđơ̆ng trong nơnăm đơ̆ng Ƀan ƀĭ thư, Jơnŭm pơgơ̆r teh đak, Thủ tướng teh đak. Pơm kiơ̆ tơdrong vei sơđơ̆ng trong nơnăm, chơng dôm Khul kơdră kơpal kơ Đảng, Teh đak, dôm khul tơmoi kơpal lơ̆m teh đak, teh đak đe truh hơpong păng pơm jang tơ̆ Việt Nam, vei sơđơ̆ng tơnăp kơjăp.

Jang tơnăp lơ̆m tơdrong tang găn păng tơjră ‘mi kial đak hơbông, chă tơgŭm dŏng sar bar. Pơma đam tơ̆ âu, Thủ tướng Phạm Minh Chính pơkăl, Khul Kanh sat hơlen trong nơnăm jang tơnăp tơdrong vei sơđơ̆ng trong vih vơ̆t. Pơtoi tơplih ‘nao pran kơtang trong jang chă hơlen, sek tơlang tơdrong pơm glăi pơkăp vei sơđơ̆ng trong nơnăm; iŏk yua khua hŏk kŏng ngê̆ lơ̆m hơlen băt sek tơlang pơm yoch gơh hơtŏ ‘lơ̆ng. Lơ̆m Têt Nguyên đan Giáp Thìn, tơlĕch hơlen kơjăp trong nơnăm; Ưh đei lê̆ tơhlăk tăk rok trong, tơtom sek tơlang dôm tơdrong sar bar kiơ̆ trong, kơyuơ tơdrong sơđơ̆ng jơnap ăn kon pơlei.