Thủ tướng hlôi năm hơpong Kŏng ti pơm tơlĕch tĕch tơmam drăm xa ăn teh đak đe Đồng Giao păng tơring pơtăm tơmam pơm jang. Kŏng ti dang ei tŏk bŏk oei akŏm pơjing tơmam xa đơ̆ng plei ‘long đei 136.000 tâ̆n tơmam drăm minh sơnăm tơ̆ 3 hnam kơmăi tơ̆ Ninh Bình, Gia Lai păng Sơn La hăm kơmăi kơmŏk ‘nao hơgei, trŏ hăm tơdrong kăl pơm tơlĕch lơ tơmam drăm.

Năm hơpong, asong tơmam ăn bơngai tŏk bŏk oei pơm jang tơ̆ mir pơtăm chik kơ anih mir đak lar Đồng Giao, pơlei tơm Tam Điệp, Thủ tướng teh đak chơt hơ-iă đei băt jên khei kơ bơngai jang đei hơtŏk. Thủ tướng hơpơi ‘meh, bơngai jang atŭm hăm Kŏng ti pơtoi asong jang kiơ̆ kơmăi kơmŏk ‘nao, hơtŏk khua hŏk kih thuơ̆t, hơtŏk pơyua đơ̆ng pơm jang; tơplih hơdrĕch pơtăm đei yua lơ hloh, ‘lơ̆ng hloh.