Tơ̆ jơ năm hơpong, Thủ tướng Phạm Minh Chính pơtruh nơ̆r vang ơ̆h sơ-‘ngon kơtang đơ̆ng Tổng Bí thư Nguyễn Phú Trọng, Kơdră chĕp pơgơ̆r Teh đak Võ Văn Thưởng, Kơdră chĕp pơgơ̆r Kuô̆k hô̆i Vương Đình Huệ păng rim Kơdră chĕp pơgơ̆r Việt Nam truh hăm Tổng Bí thư, Kơdră chĕp pơgơ̆r Teh đak Trung Quốc Tập Cận Bình, Thủ tướng Quốc vụ viện Lý Cường, Ủy viên trưởng Nhân đại Triệu Lạc Tế, rim Kơdră chĕp pơgơ̆r Trung Quốc hăm ŭnh hnam ƀok Lý Khắc Cường.

Thủ tướng Phạm Minh Chính pơma hơdăh, Đảng, Teh đak păng Kon pơlei Việt Nam ling lang lăng kơjăp trong bơ̆ jang, jơhngơ̆m đon ‘lơ̆ng păng tơdrong tơgop gĭt kăl đơ̆ng nhap ƀok Lý Khắc Cường hăm tơdrong tơgoăt tơgoăl ƀar Đảng, ƀar teh đak păng kon pơlei ƀar teh đak Việt Nam - Trung Quốc.  Kơdră chĕp pơgơ̆r Hơnih tang măt Trung Quốc Hùng Ba hmach bơnê kơ Tổng Bí thư Nguyễn Phú Trọng, Kơdră chĕp pơgơ̆r Teh đak Võ Văn Thưởng, Thủ tướng Teh đak Phạm Minh Chính, Kơdră chĕp pơgơ̆r Kuô̆k hô̆i Vương Đình Huệ hlôi krao điên thoăt tơbăt jơhngơ̆m đon vang sơ-‘ngon păng Thủ tướng Phạm Minh Chính hlôi chĕp kơ̆l Khul kơdră tang măt Đảng, Teh đak, Khul kơdră Teh đak, Kuô̆k hô̆i, Mặt trận Tổ quốc Việt Nam truh năm hơpong păng chih nơ̆r tơbăt jơhngơ̆m đon lơ̆m hla bơar pơdong groong ƀŭ; sơkơ̆t hơdăh, Đảng, Khul kơdră Teh đak păng kon pơlei Trung Quốc ling lang atŏk kơtang hloh dơ̆ng tơgoăt tơgoăl ‘lơ̆ng hơ iă, Jang hơdoi gĭt kăl tôm tong Việt Nam - Trung Quốc.