Lơ̆m ‘măng năm hơpong tơ̆ teh đak Hàn Quốc ‘măng mă âu, tơchĕng adrol Thủ tướng Phạm Minh Chính gô đei hlŏh 30 tơdrong bơ̆ jang. ‘Ngoăih kơ tơdrong bơ̆ jang hăm kơdră chĕp kơ̆l teh đak Hàn Quốc, Thủ tướng Phạm Minh Chính vă truh akŏm păng iung pơam tơ̆ 03 hop akŏm, đei Hop akŏm khul tĕch mơdro, Hop akŏm tơlĕch trong jang chă tơmang lăng păng jang hơdoi găh jŏh ayŏ kơ dŏ xoang, Hop akŏm găh bơngai jang Việt Nam - Hàn Quốc;

Păng 02 pơma đam, đei pơma đam hăm Kơdră chĕp kơ̆l dôm anih jang mŭk drăm Hàn Quốc păng pơma đam hăm dôm bơngai đei hŏk jrŭ, bơngai jang khoa hŏk Hàn Quốc găh kơchơ̆t bán dẫn păng kơmăy rơgei. Thủ tướng oei đei hloi dôm ‘măng tơbâp kơdră chĕp kơ̆l 1,2 Grŭp jang mŭk drăm tơm kơ teh đak Hàn Quốc oei tơmât jên jang tơ̆ Việt Nam.