Tơ̆ ‘măng năm hơpong âu, Thủ tướng Phạm Minh Chính vă pơma đam hăm Thủ tướng tĕh đak Trung Quốc Lý Cường; tơƀâp, pơma nuh hăm Tổng Bí thư, Kơdră tĕh đak Trung Quốc Tập Cận Bình; pơma nuh hăm Kơdră Kuô̆h hô̆i Trung Quốc Triệu Lạc Tế.

Kŭm hăm ‘nŏh, Thủ tướng Phạm Minh Chính vang truh hop akŏm gĭt kăl rim sơnăm kơ đe ƀok Kơdră ‘măng mă 14 kơ WEF; đei dôm ‘măng tơƀâp 2 pang hăm Kơdră pơgơ̆r WEF, kŭm nhen kơdră chĕp kơ̆l lơ tĕh đak, khul grŭp lơ̆m apŭng plenh tĕh. Ƀlep ƀât ‘măng mă âu, Thủ tướng tĕh đak ‘măn jơ tơƀâp tơpôl bơngai Việt Nam tơ̆ Trung Quốc; tơƀâp bơngai đei hŏk jrŭ jang tơbôl; vang truh hop akŏm khul bơngai tĕch mơdro Việt Nam – Trung Quốc.