Thủ tướng lăng ‘lơ̆ng tơdrong hơdrin, tơdrong đei măt đơ̆ng VinGroup, Vinfast tơ̆ UAE tơgop pơtrŭt jang hơdai đơ̆ng 2 teh đak păng tơplih rơgoh tơ̆ tơring Trung Đông, ‘meh kon pơlei dôm teh đak Trung Đông gô lui ngeh păng yua kơ loăi gre điện đơ̆ng Vinfast. Thủ tướng hơmĕng VinGroup, hăm tơdrong tơgŭm đơ̆ng Khŭl kơdră teh đak păng kon pơlei UAE, gô hơdrin kŭm hăm dôm anih jang hơdai UAE vang hơtŏk tơiung anih jang kăl, pơtrŭt tơplih kơsô̆ păng hơtŏk tơiung dôm tơdrong jang ‘nao iung tơ̆ Việt Nam.

Thủ tướng athei păih UAE tơgŭm Vinfast pơma hơdrô̆ păng Việt Nam pơma atŭm, kŭm hăm Việt Nam pơgơ̆r tơlĕch jang ‘lơ̆ng Tơdrong tơchơ̆t CEPA ‘moi kiơ̆ dôm tơdrong jang, tơmam hơdăh, hơnhăk ăn đei yua ‘lơ̆ng, ‘meh vă kon pơlei UAE ‘mêm kơ Việt Nam păng tơmam Việt Nam.