Khei năr au ki păng sơnăm 2023, Khul kơdră chĕp pơgơ̆r Đảng, Kơdră chĕp pơgơ̆r Tổng cục II hlôi chĕp pơgơ̆r, pơrô̆ jang keh đang ‘lơ̆ng tơdrong jang tơbăt kơtơ̆ng ang, pơchoh trong jang tơm păng iung jang hrĕp; tơtom pơchoh trong ăn kơdră chĕp pơgơ̆r Đảng, Teh đak, Quân ủy Trung ương, Hơnih tơm Ƀô̆ đô̆i vei lăng sơlam Teh đak tơlĕch rim tơdrong tơchơ̆t trŏ ƀlep, ưh kơ lê̆ đei tơdrong ưh kơ măh ê găh trong jang, đei tơdră kơpal păng rim hơnih jang, Hơnih tơm, tơring hôn bơnê kơtang.

Iung pơma hăm kang ƀô̆ tơm dơnơm Tổng cục, Thủ tướng Phạm Minh Chính hôn bơnê dôm tơdrong hơdrin păng dôm tơdrong jơnei mă Tổng cục II iŏk đei lơ̆m khei năr au ki, akhan sơnăm 2024 păng khei năr kơnh, tơdrong lơ̆m apŭng plĕnh teh păng tơring oei hơnơ̆ng đei tơdrong mơmat tat, Hơnih tơm mjang Hrĕp vei lăng teh đak kăl hơmet ăn mă brĕ, ‘lơ̆ng hloh dơ̆ng, iung jang kơtang hloh dơ̆ng dôm tơdrong jang mă Đảng, Teh đak pơjao. Thủ tướng athei Tổng cục kăl vei kơjăp trong jang hơmet ăn iung tơjră, iung jang kơtơ̆ng ang, vei lăng sơđơ̆ng dơ̆ng kơjăp; sơđơ̆ng ‘lơ̆ng hơrih sa oei sa, jơhngơ̆m đon ăn ƀô̆ đô̆i khei năr Têt Nguyên đán Giáp Thìn 2024.