Iung pơma tơ̆ jơ tơƀơ̆p muh măt, tang măt Kơdră chĕp kơ̆l Đảng, Teh đak, Thủ tướng Phạm Minh Chính pôk pơ ư, chih iŏk păng hmach thơ thou dôm jơnei, plang jơhngơ̆m jang, tơgop đơ̆ng khŭl jang joh ayŏ, văn nghệ sĩ khŭl lĭnh; dôm jơhnơr kang ƀô̆, thây kô pơtho, bơngai hŏk, bơngai jang, khŭl lĭnh kơ Hnam trưng.

Thủ tướng ‘meh vă Hnam trưng sơnăm 2024 iŏk đei jơnei ‘lơ̆ng hloh kơ sơnăm 2023, jăl jang đơ̆ng rŏng lơ hloh jăl jang hơdrol. Ƀlep ƀơ̆t hơmet ăn sơng Tết Nguyên đán Giáp Thìn, tang măt kơdră chĕp kơ̆l Đảng, Teh đak, Thủ tướng hmach thơ thou kơ dôm bơngai tang măt păng kang ƀô̆, thây kô pơhto, bơngai hŏk, bơngai jang, khŭl lĭnh Hnam trưng Đại học Joh ayŏ kơdŏ soang Khŭl lĭnh pran jăng grăng hơkâu, hiôk hian, hơnŭk hơnoa, sơnăm ‘nao jơnei ‘lơ̆ng ‘nao.