Hăm jơhngâm đon kŭp yom păng ‘mêm bơnê tôch pơnĕh, Thủ tướng Phạm Minh Chính păng khul hlôi pơyơ̆r pơkao păng kơkŭh kơ̆l ƀlŏk hơdơ̆r kŏng tih tên đơ̆ng Ƀok Hô hăm tơdrong jang kăch mang ‘lơ̆ng hơiă đơ̆ng Đảng păng hơdrĕch hơdrung.

Thủ tướng Phạm Minh Chính chih nơ̆r lơ̆m kơsơ̆p hla ar ƀlŏk hơdơ̆r tơ̆ Anih gru groa akhan: " ‘Nâu jĭ anih tôch gĭt kăl, tơƀôh hơdăh tơdrong juăt tơguăt 1 ƀơ̆r đon đơ̆ng kăch mang 2 Đảng, 2 teh đak Việt Nam - Trung Quốc. Khul kơdră teh đak Việt Nam bơnê kơ Đảng ƀô̆, Khul kơdră pơgơ̆r păng kon pơlei dêh char Vân Nam hlôi năng kăl, chĕp vei anih gru groa âu. ‘Nâu gô jing “Anih gĭt kăl” vă kon pơlei, mă loi jĭ jơhnơr mơlôh kơ 2 teh đak hŏk pơhrăm, kiơ̆ đơ̆ng noh vang tơgop ‘lơ̆ng ăn tơdrong pơvei “jĭ boăl juăt hai, jĭ ‘nhŏng oh hai” kơ Việt Nam - Trung Quốc ling lang ‘lơ̆ng hơiă, rim jơhnơr vang chĕp vei kơjăp."