Anih vei rong đe linh jĭ rơka Nho Quan ‘nŏh jĭ 1 lơ̆m 30 anih vei rong đe linh jĭ rơka, linh jĭ jăn ăl lơ̆m tĕh đak. 55 sơnăm bơ̆ jang, Anih hlôi iŏk rong, hơmet jĭ ăn hlŏh 2 rơbâu ‘nu linh jĭ rơka, linh jĭ jăn ăl. Dang ei, Anih âu jĭ “Hnam hơdai” kơ 68 ‘nu linh jĭ rơka, linh jĭ jăn, 23 ‘nu bơngai vang iung tơblăh sơ̆ păng kon pơjing dôm bơngai vang iung tơblăh ƀơm kơnê̆ đơ̆ng pơgang hơyăt săy lơ̆m tơdrong tơblăh, 56 ‘nu bơngai đei tơdrong arih xa pơmat tat dêh hlŏh.

Pơma tơ̆ âu, Thủ tướng Phạm Minh Chính čhưu jơhngâm mưh bou truh dôm tơdrong ơ̆h sơ ‘ngon, hiong răm mă đe Mĕ Việt Nam nuih mơng, đe linh jĭ rơka, linh jĭ jăn oei pŭ. Thủ tướng hơpơi ‘mĕh đe mĕ, đe linh jĭ rơka, linh jĭ jăn hơnơ̆ng pran jăng, grăng hơkâu, đei jơhngâm tơjră hăm tơdrong jĭ jăn, jing bơngai tơƀôh trong chong glung ăn rim jơhnơr đơ̆ng rŏng jang kiơ̆.