Thủ tướng Phạm Minh Chính tơƀôh đon ơ̆h sơ ‘ngon, ‘mêm mơnat tôch ai hăm tơdrong lôch hơchăng ưh tom băt đơ̆ng nhap Thủ tướng Abe, bơngai boăl tih, tôch juăt hăm Khul kơdră teh đak, kon pơlei Việt Nam. Thủ tướng Phạm Minh Chính tơchĕng akhan tơdrong pơvei Việt Nam - Nhật Bản lơ̆m chăl ƀok Abe pơm Thủ tướng đei lơ hơyak tŏk pran ƀât mă 2 tĕh đak hơtŏk tơdrong Pơvei jang hơdoi gĭt kăl tôm tơdrong yoa tơdrong rơngei păng hơnŭk hơnoa tơ̆ châu Á sơnăm 2014, tơpôl bơngai Việt Nam tơ̆ Nhật Bản tŏk hrĕnh, đei hlŏh 400 rơbâu ‘nu bơngai.

Yă Akie Abe, hơkăn nhap Thủ tướng Abe bơnê jơhngâm đon ‘mêm băt đơ̆ng Thủ tướng Phạm Minh Chính hăm tơdrong lôch hơchăng đơ̆ng nhap Thủ tướng Abe Shinzo; pơma hơdăh vă hơnơ̆ng bơ̆ jang kiơ̆ tơdrong hơpơi ‘mĕh đơ̆ng nhap Thủ tướng Abe pơm pơ ‘lơ̆ng hlŏh dơ̆ng tơdrong pơvei, jang hơdoi Việt Nam - Nhật Bản.