Iung pơma tơ̆ âu, Thủ tướng Phạm Minh Chính ră hơdah, ‘măng năm tơmang ‘măng sơlam âu vă tơlĕch jang kiơ̆ pơdrơ̆ng đơ̆ng Jơnŭm pơgơ̆r kơ 2 teh đak Việt Nam – Trung Quốc; khul Kŏng an, Khul linh, Ƀô đô̆i vei sơlam teh, rim anih jang dơnơm, rim tơring tơ̆ sơlam teh athei pơjing tơdrong vă jang kiơ̆ pơdrơ̆ng kơpal; tơlĕch jang truh tơ̆ tơring.

Thủ tướng pơkăl athei vei sơđơ̆ng kơjăp rơngei hiôk hian, pơgơ̆r tôm hơgăt teh, pơjing trong sơlam rơngei hiôk hian, jang hadoi păng hơtŏk tơ-iung; rim kon pơlei jing minh jrăng vei lăng sơlam teh; athei tang găn rim tơdrong tơblah ưh kơ kăl đei.