‘Nâu jing ‘măng mă blŭng Thủ tướng Việt Nam năm tơmang teh đak Thổ Nhĩ Kỳ, hăm tơdrong hơpơi ‘meh hơtŏk đon lui chĭnh trĭ păng pơjing jơhngơ̆m pran ‘nao, hơtŏk tơdrong jang hadoi đơ̆ng Việt Nam hăm Thổ Nhĩ Kỳ lơ̆m tôm tơdrong jang, đơ̆ng mŭk drăm, tĕch pơdro, asong jang, truh dôm tơdrong jang hadoi ‘nao nhen tơplih ‘nao gơh hơgei, khua hŏk, kơmăi kơmŏk ‘nao, unh hơyuh...

Lơ̆m hloh minh năr oei tơ̆ Thổ Nhĩ Kỳ, bơngai chĕp kơ̆l lơ̆m Jơnŭm pơgơ̆r teh đak Việt Nam gô đei jê̆ 20 tơdrong jang pơtoi hloi, atŭm hăm tơdrong tơjrâ̆m đe kơdră kơpal kơ teh đak Thổ Nhĩ Kỳ noh đei tơdrong pơma dơnuh hăm anih jang mŭk drăm vă hơtŏk jang hadoi. Pơgê năr 29/11 kiơ̆ jơ tơ̆ tơring âu, Thủ tướng Phạm Minh Chính sơng pơma dơnuh hăm Ƀô̆ trương jang Tĕch pơdro Thổ Nhĩ Kỳ. Lêh sơng Thủ tướng Phạm Minh Chính đei pơgơ̆r ah 10h atŭm năr noh. Năr 30/11, Thủ tướng Phạm Minh Chính akŏm pơm jang hăm lơ kơdră anih jang pran kơ teh đak Thổ Nhĩ Kỳ.