Tơ̆ jơ tơƀơ̆p, Thủ tướng pơma hơdăh, Việt Nam pơkăp gô ling lang yak hơdai păng pơm rim tơdrong hiôk kiơ̆ tơdrong tơchơ̆t khôi luơ̆t vă dôm anih mơdro sa Philippines pơgơ̆r tơmơ̆t jên jang jơnei, kơjăp đunh đai tơ̆ Việt Nam.

Thủ tướng athei 2 păh kăl kơ pơgơ̆r lơ hloh dơ̆ng dôm tơdrong jang tơƀơ̆p, pơma dơnuh vă pơtrŭt jang hơdai; tŭn pran tơgoăt hơdai 2 mŭk drăm; bơ̆jang kiơ̆ ‘lơ̆ng dôm ‘măng pơma dơnuh kơdră kơpal, hơnhăk pơvei jang hơdai gĭt kăl Việt Nam - Philippines yak mơ̆t jrŭ, tơpă, đei yua hloh; yua kơ tơdrong tơm hơnŭk hơnoa kơ 2 teh đak; yua kơ tơdrong arih sa hiôk hian, phĭ tơnŏ đơ̆ng kon pơlei 2 teh đak; păng yua kơ tơdrong rơngei, sơđơ̆ng, jang hơdai păng hơtŏk tơiung lơ̆m tơring păng lơ̆m apŭng plĕnh teh.