Tơƀơ̆p thây kô pơtho, sinh viên Hnam trưng Đại học Ngoại thương Thủ tướng Phạm Minh Chính ƀrơ̆k kơ jơhngơ̆m tơroi dơ̆ng tơdrong joăt joe tơklep hơdai, tơgoăt tơgoăl, jang hơdai, hơtŏk tơiung đơ̆ng 2 Đảng, 2 teh đak; Thủ tướng teh đak Phạm Minh Chính ‘meh vă, hăm tơdrong joăt joe nhă đak ƀlŏk kơ tu, jơhnơr mơ lôh 2 teh đak kăl ling lang chih răk păng băt bơnê gĭt kăl kŏng jang tih tên đơ̆ng dôm jơhnơr kơdră chĕp kơ̆l păng kon pơlei 2 teh đak.

Ƀlep ƀơ̆t ‘măng âu, Thủ tướng Phạm Minh Chính tơƀôh jơhngơ̆m đon bơnê kơ Khŭl kơdră teh đak păng kon pơlei Campuchia hlôi ling lang lui ngeh, rơih iŏk Việt Nam jĭ 1 lơ̆m dôm hơnih truh, teh đak jang hơdai hơdrol lơ̆m tơdrong jang pơtho pơhrăm, hơtŏk ‘lơ̆ng bơngai jang kơ Campuchia. Thủ tướng ‘meh vă Hnam trưng Đại học Ngoại Thương ưh kơ đei pơdơh hơdrin tơgop pơtruh bơngai jang ăn dôm anih jang teh đak păng anih mơdro sa pơvih pơvăn dôm tơdrong jang mŭk drăm tơbôl, pơm tơdrong hiôk ‘lơ̆ng hloh găh hŏk pơhrăm, tơchĕng hơlen, găh anih oei anih sŏng sa ăn kơ đe buăl hŏk tro, sinh viên Campuchia.