Tơ̆ jơ pơma nuh, đe sinh viên tơ̆ hnam Trơng Đăi hŏk Quốc gia Hà Nội tơƀôh đon tơrek truh trong tơgŭm găh pơtho pơhrăm, khoa hŏk, kơmăy kơmŏk păng tơplih ‘nao rơgei đơ̆ng Singapore; tơdrong pơvei jang hơdoi mŭk drăm hăm kơmăy sô̆ - mŭk drăm rơgŏh ‘lơ̆ng đơ̆ng 2 tĕh đak; dôm tơdrong kăl, ƀai hŏk kăp gĭt đơ̆ng hŏk pơhrăm vă gơ̆h jang đei jơnei đơ̆ng Thủ tướng Lý Hiển Long; trong tưk tơiung jang hơdoi đơ̆ng dôm Hnam trưng Đăi hŏk Singapore hăm Việt Nam, mă loi lơ̆m 1,2 tơdrong tơchĕng hơlen, tơplih ‘nao rơgei, kơmăy rơgei; tơdrong hơmĕng đơ̆ng dôm kơdră chĕp kơ̆l hăm jơhnơr mơlôh.

Ƀlep ƀât ‘măng mă âu, hăm tơdrong dơ̆ng lăng đơ̆ng Thủ tướng Phạm Minh Chính păng Thủ tướng Lý Hiển Long, Hnam trưng Đăi hŏk Quốc gia Hà Nội, Đăi hŏk Quốc gia Hồ Chí Minh kŭm hăm Đăi hŏk Công nghệ Nanyang -Singapore kĭ hla ar pơkăp jang hơdoi găh tơdrong tơplih, ăn kăn ƀô̆, thây kô pơtho, sinh viên păng bơngai tơchĕng hơlen khoa hŏk năm hŏk pơhrăm tơ̆ băl.