Lơ̆m noh, Thủ tướng pơkăl hơtŏk pran asong jên jang kơ teh đak, Tơdrong hơmet jang, 3 Tơchơ̆t jang kơ teh đak, akŏm pơklaih tơnap tap lơ̆m pơm jang tĕch pơdro; hơtŏk pơ-'lơ̆ng, hơvơn păng yua tơnăp dôm tơdrong jang, păng jang kiơ̆ drơ̆ng minh dôm tơchơ̆t gah thuê̆, jên huach jang, tĕch pơdro, asong jang... hlôi đei tơlĕch tơchơ̆t.

Mă hăt noh, Thủ tướng pơkăl akŏm hơtŏk pran dôm tơdrong jang dơnơm gah kŏng ngĭp. Hơtŏk pran tơdrong choh jang xa, mă kăl gah tơmam drăm xa, hơtŏk tơdrong jang pơm tơlĕch tơmam drăm 'lơ̆ng đei kơjă kăp; Iŏk yua tơnăp trong hiôk vă tĕch tơmam choh pơtăm ăn teh đak đe, vei sơđơ̆ng tơmam drăm pơm pơnăn xa lơ̆m teh đak.