Thủ tướng Phạm Minh Chính tơroi hơdah gah dôm tơdrong đei yua lơ̆m tơdrong tơlĕch ming man trong nơnăm dơnơm kơ teh đak, kăp gĭt hăm anih jang găh Trong nơnăm. Thủ tướng pôk bơnê kơ dôm anih iŏk ming man, dôm Jơnŭm vei hơlen, asong ming man hlôi drơ̆ng minh tơlĕch jang vă dôm tơdrong ming man gơh ‘lơ̆ng, trŏ tơchơ̆t lơ̆m sơnăm âu ki.

Pơjao sơnong jang hơdah ăn dôm anih jang, rim tơring, mă kăl noh lơ̆m tơdrong pơm kiơ̆ tơlĕch vă jang; akŏm hrŭ ‘mong teh iŏk ming man păng vei sơđơ̆ng tơmam drăm asong ming man kăl, Thủ tướng pơgơ̆r, dôm anih iŏk ming man đei tơrĕk dih băl athei kơchăng jang hadoi vă sek tơlang dôm tơhlăk tơhlĭn đei ƀôh, ưh kơ găn ga klenh; Athei kơchăng pơm kiơ̆ sơnong jang đei pơjao, athei trŏ hăm tơchơ̆t tơlĕch, hơtŏk tơdrong ‘lơ̆ng, vei sơđơ̆ng tơnăp.